Aldizkarietan erabilitako laburdurez gain, egoki izango da erabili izan diren beste ikur batzuk ere sartzea:

a. / : Aldizkari eta egunkari ezberdinetan aipatzen diren olerki edo bertso berdinetan erabiltzen da. Horrelakoan, aldizkari bakoitzeko aipamenaren ostean, ikur hau erabiltzen dugu: - / .

b. Puntu eta komak (;) erabiltzen ditugu, aldizkariaren ale ezberdinetan gai beraren jarraipena datorrenean: adibidez, Juan MUJIKA LASTIBAR, Albistur'tik [Pr.-ber.], Argia 5 (1925,245.zk.) 2; 6 (1926,254.zk.) 2; etab. EIZMENDI MANTEROLA, Iñaki (Basarri), Nere bordatxotik [Pr.-ber.], Goiz-argi 14 (1973,169-170.zk.) 2; (178.zk.) 3; 15 (1974,182.zk.) 3; etab.

c. - marratxoa erabiltzen dugu, aurreko lerroan idatzi dugun autore bera adierazi nahi dugunean; horrela izen bera behin eta berriro errepikatu beharrik ez dugu.

d. Kortxeteekin [ ] geuk gehitu duguna adierazten dugu; hau, batez ere bertsoaren testu barruan edo olerkiaren izenburuan agertuko da...

e. Zenbait forma laburtu ere erabiltzen dira: zk. = zenbakia, Pr. = prosa, ber. = bertso, Zat. = Zatia. [Pr.-ber] erabiltzen da, aipatzen den bibliografia horretan prosazko idazlana dagoela, baina tartean bertsoak ere badirela adierazteko, ia beti bertso laburrak edo zatiak izanik.