Berreterretxean kantoria
I
Altzak ez du biotzik,
ez gaztanberak ezurrik...
Enian uste erraiten ziela
aitunen semek gezurrik.
II
Andoze'ko ibarra,
ara zer ibar luzea
Iruretan ebaki zaitan
armarik gabe biotza.
III
Berreterretxe'k oeti
neskatuari eztiki:
-Abil eta so egin ezan
ageri denez gizonik.
IV
Neskatuak berala,
ikusi zian bezala,
irur dotzena bazabiltzala
leio bateti besteala.
V
Berreterretxe'k leioti
Joan Kuntiari goraintzi:
Eun bei bazereitzola
beren zezena ondoti.
VI
Joan Kuntiak berala:
traidore batek bezala:
-Berreterretx aigu bortala;
utzuliren iz berala.
VII
-Ama, indaztit atorra,
menturaz sekulakoa;
bizi denak oroit ukenen du
Bazko-biaramuna.
VIII
Mari-Santz'en lasterra
bost mendietan beera.
Lakarre-Butanobian sartu da
bi belainak erresta.
IX
Bustonobi gaztea,
ene anaie maitea:
itzaz unik azpaldinbada,
ene semea joan da.
X
-Arreba ago ixilik;
ez, otoi, egin negarrik;
ire semea -bizi baldinbada-
menturaz Mauli'ala da.
XI
Mari-Santz'en lasterra
Joan Kuntiaren bortala!
-Ai ei! eta, Joana, nun duzie
ene seme galanta?
XII
-Ik bai ena semerik
Barreterretxe'z bertzerik?
Ezpeldoi-altian dun ilik;
abil eraikan bizirik,
XIII
Ezpeldoi'ko jenteak,
ala sendimendu gabeak!
Illa ain ullan uken eta
deus ere etzakienak.
XIV
Ezpeldoi'ko alaba;
-Margarita deitzen da-
Berreterretxe'n odoletik,
aunkaz biltzen ari da.
XV
Ezpeldoi'ko bukata,
ala bukata ederra!
Berreterretxe'n atorretarik
irur dotzena uman-da.
|