Barren-miņez
Erdibiturik daukat biotza, barrena ainbat mindua.
Gauz bategatik
inguratu zait
begietara laņoa...
Zu urrintzeaz dardaraztuta, aterazi diot doņua...
Erruki zaitez Jainkoa...!
Garratzak dira zure erioz itxur-ditudan malkoak.
Ai...! Zenbait zotin,
negar ta muxin...
Samin neurrizgaindikoak
barne-gordean estali ditu Euzkalerrien kolkoak...?
Bakarrik daki Jainkoak...!
Ene "Baxurko"...! Soil uzten nauzu zugandik alde egitean.
Ez altzan baņa,
zuretzat aņa
tokirik gure artean...?
Anai arteko jolas garbi, ta, oitura onaz batean...
olerki-kutsu tartean...?
Ez alziņan ba adiskidea gaurko egun beltz solletan,
guretzat kabi,
ta berogarri
izkiri-miri goxotan...?
Zulaturikan naigabe biziz illunpe beltza benetan...
Euzkaldunen biotzetan!
Lurrean miņez utzi gaituzu ene "Baxurko" maitea...
Gorputzak larriz,
biotzak zauriz,
utzirik juana bai zera...
Lagun-arteko jostallu goxo, xamurtasunaz-betea
ziņan ziņaden guztia...
Lana olerki biurtu zenun. An, zure otoi apala...
Au Nazare'ko
Seme Jaungoiko
Alguztitsuak bezela...
Zure etxean neke izerdiz argituk-illun iņ-ala,
biotza pozez zenula...
Guztiro ernai ziņaden arren, bein loak gaillen ziņuan.
Atsegingarri
ta maitagarri
izana, gure ondoan...
Esnatu ziņun Zeruan.
Olerki-muņa zenun jaiotzez, olerkiz ziņan aunditu.
Olerkiz azi,
olerkiz bizi...
Olerkiz Jaunak ar-zaitu.
Zure egunetan Jainkoa bera olerkiz zenun goratu.
Olerkiz ziņan mututu...!
Zure eresi goxoanakin poztu ditezu Zeruak...!
Dauden Santuak
to Aingeruak,
dauzkatzu zugan bilduak...
Pozez urtutzen arizaizkitzu Zerutar danen gogoak,
emanaz zuri txaloak.
Entzun bai, arren... Zeru-goitikan zure anaien negarra...!
Otoi gogotik...
Arren... gugatik...
Izan dezagun indarra.
Zabarkeriak itzal-ezdezan zuk poztu zenun txingarra...
Indar-kiguzu su-garra..,!
Arren... Erregu bein ta berriro Jaun Altsuari goietan.
Bizi gaietezen
sendo ta zuzen
zuk landutako lurretan,
Goi-intz mardulaz ezaturikan bakoitzaren biotzetan...
Indar guztiaz, benetan...!
Txoria banitz ega-xabalka zure ondora eltzeko...
Banu almena,
eta kemena,
gora-indarra artzeko...
Zure alboan aurki nintzake txorro-txioan jartzeko!
Betiraunde guztirako!
Egiz neretzat zori-goxoa, ametsa egi balitza...
Zure eresiz
xamur ta eztiz
gose-aseka banintza...
Eziņak nauka illun ta ixill, eta dardarazka otza
lertu zoriaz biotza...
Nere gogoak gorputzaz alde, orduan igo nai nuke,
laņoaz gora,
zure ondora,
Zeruak artzen banaute...
Ordu soil artan zure diņara zorion ori banuke...
Agur, anai...? Zeruarte!