Oņak dituzu txiki, politak
Arruarte
ANDONI'K:
-1-
Oņak dituzu txiki, politak,
ibili apain, ariņa,
buruan ille zoragarria,
damazun begi urdiņa.
Beiratu alai, sutsuarekin,
izketa goxo, biguņa,
amar da zazpi apirilleko
landare garbi, liraņa.
-2-
Egun guzian zutzaz pentsatzen,
amets eztia, gabian,
nere begiak zure irudia
daukate beti aurrian.
Biotza berriz brinkan dabilkit
zugan agatu naian,
maite neria, zu neretzako
sortu al ziņan ludian?
-3-
Zu zera izar dizdizlaria
txoraturik naukazuna,
zu arrantzale, zeure sarean
nere biotza dezuna.
Zu bakarrikan daukaten miņa
sendatuko didazuna,
arren, etzazu galtzera utzi
nik dizuten maitasuna.
-4-
Ez al ziozun antzikan eman
nik eman nizun musuan?
Neurri gabeko garra dagola
dizuten maitasun suan?
Nai didazuna aitortzen dezu
zure beiratu goxuan,
biok batuta bizi gaitezen
zoriontasun osuan.
MIRENTXU'K:
-5-
Biotzetikan sartu badira
esan dizkidatzun itzak,
ta Jaunak ala nai baldin badu
neri txit ondo deritzat.
Eragozpenik izan ezean
ta ondo artu elizak,
zedorren esku utziko ditut
etorkizunaren giltzak.
-6-
Laguntzarik ez izatekotan
sortu zaigun maite miņak
gizonak eta emakumeak
zertako gera egiņak?
Ludi ontako neke, naigabe,
pozak eta atsegiņak,
ni gertu nago izan ditezen
danak biontzat berdiņak.
-7-
Maite-miņ onen garra bizia
sartu bada guregana,
gure indarrez ezta izandu,
baizik Jainkoak emana.
Nere buruak amets gozo bat
orain berekin darama,
senar ona beten jabe lenen da
gero izatea Ama.