Lenago iñoiz bezelaxe ni
Arriola, Jose Manuel
-1-
Lenago iñoiz bezelaxe ni,
berriro ere kantura,
gai bat arturik ez jutekoa
Mondragoetik kanpora.
Dagon ezkero zeri jarduna
gertutik eta gertura,
bertso batzuek nai nuzke egin
Arrasateren kontura.
-2-
Mondragon dago zeri jarduna
eta gañera onetik.
Onekin ez det adiarazten
eztagonikan danetik.
Jaunari esker aberats gera
ongi-egilleetatik.
Egintzak eurak ageri dira
esaten nere aurretik.
-3-
Arrasateren aunditasuna
beti izan da lanetik.
Goian epiniz nor bere sailla
bakoitzak bere aldetik.
Ikustekoa gure arreta
edonoiz eta nunaitik.
Nabarmentzea edozein gaitan
beste guztien gañetik.
-4-
Nabarmenetan nabarmenenak
diran gure ikasketak,
gure lantegi aurreratuak
ta beren eletronikak.
Esan bearrik gabe ain onak
diraden gure musikak.
Beren tokia bear dutenak
berriz gure deportixtak.
-5-
Ageri edo irakurgaiak
diotenetik ain zuzen,
mondragoitarrak lenago ere
langille onak genduzen.
Orain dirala gizaldi asko
or bertan Ferreriasen,
beren galtzairu berdingabeak
denok ondratzen ginduzen
-6-
Arturikan ain doai bikañak
gure aurrekoetatik.
Zaindu bakarrik ez baidegu zor,
sendotu geiago baizik.
Nere iritziz ardura gabe
ez gaude alde ortatik.
Beste ainbeste esan al geinke
gure maitasunagatik?
-7-
Maitasuna ta egia daude
bi itz gozotan esanak.
Eta pakea irugarrena
alkarrekin dabiltzanak.
Askotxok ditu mingaiñez beintzat
iruron zaletasunak.
Nundikan nora dabiltzan ezin
aurkitu ditu gizonak.
-8-
Gaur Arrasatek izanagatik
ondasunetik ugari,
alde guztitik ondo jantzita
gaudenikan eztiduri.
Atsegiñikan ezin emanik
egarri premizkonari,
maitasun gabe txikia ez al da
gure aunditasun ori?
-9-
Gure artean arrika iñoiz
batzuk ondasun ederrik.
Maitasunikan baldin badute
diruarentzat bakarrik.
Erak ez dute bizitzan beste
aberastasun bearrik.
Al genezake iritxi olan
bein aunditasun jatorrik?
-10-
Guztiz altsuak ala nai eta
gure alde egin ezik,
gerekasa guk iñoiz eztegu
alkarrentzako biotzik.
Al lezateke arkitu batek
zorionik eta pozik
besterik gabe lan soilletikan,
ezpadu beste laguntzik?
-11-
Biotzik gabe lan utsarekin
ez leike bizi gizonik.
Dirua eztala zorion utsa
sarritan gaude entzunik.
Erdizka ezin euki genzake
Arrasateren izenik.
Guztiz jatorra ez al genzake
kristau argiak izanik?
