Euskara gaxoa, nere agur goxoa
Arrieta, Joxe Mari
I
Ama euskera artu itzazu
semetxo onen laztanak
ez aldizu ta miņik emango
nere ezjakintasunak
mintzatu zait biotza
nik jakinduri motza
bertsoz agertzeko danak
erri au zer dan ez daki magal
ortan goxatu ez danak.
II
Zoritxarren kolokan dabil,
euskararen osasuna
gaitza txar asko dabilki eta
ona emen bat lizuna
euskera biotzean
erdera kokotzean
au abertzaletasuna
izkuntzarekin ez al da asten
erri baten nortasuna
III
Ikastolaren lan eder ori
bear genduke eskertu
utzi ziguten bitxi eder au
zaintzen, inoiz ez aspertu,
zenbat, neke ta zama
mendean zear ama
gauz ori onda aztertu
erria maite baldin badegu
izkuntza ezin baztertu.
IV
Ama gazte bat da, ta esan dit
semearen, bila nator
zuk badakizu guk ikastolan
nola dabilkigun Aitor
bueltan euskeraz jator
mutikoakin dator
aita elkartzen zaie or
senar emazte biak erdaraz
aurraren eskutik gogor
V
Oztu zitzaigun beingoz izkuntza
ezin, kendu dardarikan
zenbait gurasok epeldu eta
estu artu indarrikan
elkarrekin erdera
ta zeņentzat euskera
aurrarerrtzat bakarrikan
ez derizkiot gure izkuntza
jostallu uts bat danikan.
VI
Gazte askotxok alde batera
ez ote du utzi lasai
kaleen zear erdal kutsua
sukaldean erdal usai
erria da ikullu
ta mingaiņa akullu
zenbat erderaren itzal
ardiak maite bear bai dira
nai bada egizko artzai
VII
Uztarri batez loturik daude
izkuntza ta aberria
zer naigabea autsiko balitz
erditikan uztarria
ni goibeltzen naiz asko
orduan Pais Vasco
eta ez Euskalerria
izango dala bururatzean
gure lur zoragarria
VIII
Zabal zabalik dago erderak
bein jarri zion sarea
eta euskera ez konturatzen
ia sartu da area
gertatzen bada ori
mutututako txori
usai gabeko lorea
biurtuko da gu sortu giņan
txoko eder dotorea
IX
Dakizun mallan euskeraz jardun
nork egingo du parrikan
al dana egin ezkero ezta
geiagoren bearrikan
beldur gabe mintzatu
ta ez iņoiz lotsatu
ezta euskera txarrikan
gaxorik dago ta bear zartu
zuk ez eman bizkarrikan
X
Biotzez senti ezta naikoa
dantza dezagun mingaiņa
mendi zokoan triste dago ta
lortu dezan arkaitz gaiņa
arnas gabe lurpera
sartzen bada euskera
kito erri onen muiņa
biar berandu izan diteke
ta egin gaur alegiņa
XI
Euskaldun zarrak ez aldegin da
berriak onuntz urbildu
danok daukagu danon bearra
ta elkarren gana bildu
sendi baten moduan
amaren inguruan
jarrai gozo ez ixildu
gaur edo biar ez dedin esan
euskera Euzkadik il du.