inprimatu
Doniane-zurak
Izenburua:
Doniane-zurak
Sinadura:
Jose Asuncion Silva
Urkizaren iruzkina:
(Eusk.: Santi Onaindia)
Egilea(k):
Onaindia, Santiago
Silva, José Asunción

Argitalpena:
Olerti.
Urtea:
1967
Argitalpenaren urtea:
Alea:
1967 III-IV Geldi ta itsu
Orrialdea:
99-100

Doniane-zurak

 

Jose Asuncion Silva

euskaratzailea: L. Akesolo

 

 Zerrautsa!,

         zur-autsa!

         Doniane

         tantai-zurak,

         gaztai eske, ogi eske;

         Erroke'nak

         alpandoke;

         Errike'nak

         alpeñike;

         Triki'renak, triki, tran!

 

 Eta amamaren belaun-gaiñ txit sendoetan,

 igiera neurkatuz, ukur dagi aurrak,

 ta nasi dagoz biak, dardar eraginda...

 Irriño ezpanetan ama-txeraz zarrak;

 barrun baiña izu bitxi legez dabilkio,

 axanpaz ta ames zoroz, gerora zer izan

 leikezan illobaren egunez-ezaunak...

 

         Doniane

         tantai-zurak,

         gaztai eske, ogi eske

         Triki, triki,

         triki, tran!

 

 Aunitz oiñaze luze ta larri ixillezko

 kondaira dautse tximur sakonak oroitzen,

 t'edur lez zuri aren uleak agertzen;

 lor-samiñak marratu eutson kopet soilla,

 ta aren begiak dira, urteak lausotu

 ta iñoiz biurtuko eztiran izakien

 itxure aspaldi isla euskuen ispillu...

 

         Erroke'nak, alpandoke,

         triki, triki, triki, tran!

 

 Biar amonak, igar ta ixil, lo eitean,

 mundu bizitik urrun, lur goibel azpian,

 askoak lendik zurbil dagozan tokian,

 illobaren oroian, len-umezaroko

 olerki itsa artzen dauan ots astunez oso,

 aldi-lekuan itzal barruna jardunik,

 ots maite aren notak dardar dabe egingo...

 

         Errike'nak, alpeñike;

         triki, triki, triki, tran!

 

 Ta artean, amamaren belaun jausietan,

 igiera neurkatuz, ukur dagi aurrak,

 ta nasi dagoz biak, dardar eraginda...

 Irriño ezpanetan ama-txeraz zarrak;

 barrun baiña izu bitxi legez dabilkio,

 axanpaz ta ames zoroz, gerora zer izan

 leikezan illobaren egun ez-ezaunak...

 

         Zerrautsa!,

         zur-autsa!

         Doniane

         tantai-zurak,

         gaztai eske, ogi eske;

         Erroke'nak,

         alpandoke ;

         Errike'nak,

         alpeñike,

         triki, triki, triki, tran!

         triki, triki, triki, tran!

 

 


inprimatu