Zerura, betiko
Satarka
«Atseden adi, enada beltza,
egin zak, bai, lo gozoa.»
Loramendi
«Loramendi, Loramendi»!
Olerkari argi,
Olerkari aundi!
Zu etziñan jaio
Mundu ontarako;
Gazterik JAUNAK eraman
Ziñun zerura, betiko!
Odeien artean gorde
Da eguzkia...
Gaur bai illuna Udaberri'ko
Egunsentia!
Il zera!... Il!
Urretxindor gaxoa!
Il zera!... Il!
Olerkari yaioa! ...
Gure izkuntz euskerak
Negar!...
Gu dagon biotzak
Dar-dar!...
Urtxindorrak eldu
Dira gaur zure
Ilkizunetara!...
Landako loreak
Ere bai zuri
Muxu ematera!
Zuk ainbat maite zenun
Basetxeko txoriñua!...
Enarak zuregatik
Ituna du gaur kantua!
Zuk kantatu zenun biotzez
Basetxeko jaiotz-lekua,
Ta bertan dagon sukaldeko
Txoko unkigarri gozua!
(«ENADA BELTZA»)
Zuk kantatu zenun biotzez
Basetxeko enara beltza.
«Elur-lorez estalia»-ren
Samiñak eta eriotza!
(«OTOI, ADISXIDE!»... )
Zuk kantatu zenun biotzez
Aitaren eriotz larria!
Miñez... « Sukarretan aitu zan...
Otzikaran utzirik seme
Negartia!»
(« URKIOLA'KO ANTONIO DEUNA»)
Zuk kantatu zenun biotzez
Urkiola'ko
Andoni Deuna.
«Arren! begira iguzu antziñan bezela;
Zuzen zazu zedorrek gure euskal-batela».
(«ANTZEKIA»)
Zuk kantatu zenun biotzez
Zeruko Amatxo laztana.
«Illargia Zu, ni karnaba...
Bikote ederra... jakiña, ba!»
(«BARRUNTZA-LEIOAN»)
Zuk kantatu zenun biotzez
Maitalea'ri «MAITE-KANTA».
«Gela ontara ene Maitea sar ezkeroztik,
Biotz-ezurrak bai dute naiko loraketa».
Zuk ez zenun maite dirurik...
Zuk ez zenun maite munduko
Bizimodu on ta atsegiñik!
Lorea ziñan,
Loretxo garbi...
Zure barruan bein betiko
Piztu zan maitasun beroa.
Zu ziñan bai, zu,
MAITASUNA
MAITE zenduna!
JAUNA-gatik, ta JAUNA-rentzat
Zu beti izan zera
Egizko olerkari
Oi, zure azken agurra,
Lajatzean jaiotz-lurra!
Biotza zatitzen duen
Azkeneko agur ura!
Baiñan zu zuzen joan zera
Gugandik zerura.
Zorionekoa zu... maitez
Joan zeralako
JAUNA'ren altzora!
Zu il ezkeroztik
Atsekabea daukat nerekin.
Zu zeru goian eztiki zaude,
Ni emen gaxo,
Itun gogoa... biotzean min!
Oi, al ba'nezake zuk bezela
JAUN altsua anitz maitatu...!
Eta gero zeruan zurekin
Alai ta pozik kantatu!
Oi, al ba'nezake zuk bezela
JAUN altsua anitz maitatu!!
«Loramendi, Loramendi!»
Olerkari argi,
Olerkari aundi!
Zu etziñan jaio
Mundu ontarako.
Gazterik JAUNAK eraman
Ziñun zerura, betiko!!
