Auzo pestak
Joakin Aldabe
Agur, Udara, bazuaz aurtengoz;
laxter zera itzalia.
Zeru urdiņa argi ziņana
zaude odeiz estalia.
Uda azkena, zabal atia
dezu oraiņ idekia.
Ballada-auzoko besta pixarrak
oraiņ bukatuko dira.
Badaude oraindik ale-aliak
beren egunen begira.
Mikel Aingertu ta bertze batzuk
uste degunez badira.
Bezperatikan illunabarren
kanpai soņu, kale jira.
Osaba-izebak urtero-urtero
etortzen dira eztira,
tximinitatxok bezel-bezela
erretzen ditun argira.
Jaia egunez goiz erdi orduan,
guazen meza nagusira,
kanta ederrak, sermoi obia
atenziyoz aditzera.
Gero bazkaltze ordu bitarten,
arat ta onat txurrutera.
Otordu orduak dira onenak,
onela askotxo balira!
Begi ernia ta ortz zorrotzak
dijuaz jaki aragira.
Danak dakite ongi bidia
Naparro ardo zagira.
Ase ondoren, gazte guztiak
egun argiz enparantzan,
saltu ta brinko, ariņ-ariņak
asiko zaizkigu dantzan.
Galtzen dijua oitura ona,
auxen bakarra len bazan!
Azken kondarrak zupatu ondoren
bakoitza beren kabira.
Lanari ekingo zaio gogotik;
biamunetik mendira.
Auzoko pesta aiņ pozgarriak,
ai! sarriago balira!