Sortzez garbiari

Aita Fidel

 Zeñen eder ta zeñen apaiña

         ikusten zaitut, Maria!

 Amabi izarrez koroatua,

         eguzki diztiz jantzia,

 Illargi gaifiez lilluragarri,

         bai'ziña egun sentia.

 Jaungoikoaren eskuetatik

         ederrik asko atera...!

 Baiñan ederren ta bikaiñena

         danen artean Zu zera,

 bere Ama ta Erregintzako

         zinduzelakoz aukera.

 Iñor ez, ta Zu egin zinduzen

         sortzez errurik gabia,

 gorputzez liraiñ, animaz berriz

         eskar ugariz jantzia,

 zeru-lurreko bikaintasunez

         ezin geiagoz betia.

 Agur, Maria. Sortzez garbia,

         agur, bai, ene Amatxo

 Zuri begira zoraturikan

         esan bearrean nago:

 «Jaungoikoa, ez, etzera, baiña

         bai Jainkoaren urrengo!»