Arbolaren zauritik

(doinurik gabe)

Mikel Arkano

         I)

 Behinola betiko haizkora

 Haritzaren egunetan

 Hozkatuz enbor hezurra

 Iltzaturik geratu zen

         II)

 Denboretan zehar arbola

 Eta adarrak hazten

 Zut haizkora josia

 Zutelarik erne zihoazten

         III)

 Haizkoraren ahoarentzat

 Arbolaren izerdia

 Arantza zauriarena

 Izuen mahastia

         IV)

 Lekuko bas herritarrek

 Lots eta harrotasunez

 Begiratzen zituzten

 Erlikiak baitliran

 Gorrotatu eta errespetatzen

         V)

 Nork esan du orduan

 Goikoak ala beheko jaunak

 Zintzo eta gaiztoak

 Barne batean batera

 Ezin izan ditezkenik?

         VI)

 Errekordatorioak bezala

 Gogora ditzagun

 Odolaren esanak

 Hazi bitez adarrak

 Haritza sendo zutitu

         VII)

 Irainak ez barkatu

 Haizkoraren zauria

 Arren ez sakondu

 Hilkorroi hilgarria

 Genezaiguke suertatu