Atxaga puskak neronek moldatuak

Eneko Olasagasti

                                                                     Bernardori

                                                                     gure

 elkarren

 ezezaguntasunean

                             "ez naiz euskaldun zintzoa

                             ez dut bizarrik luzatzen uzteko

                             ez baitzait hazten"

 Ziutate honen

 bideetan galdutako ferrobiario

 buzo beilegian erantsiriko erdoilaren laguntza bakarraz

 ilargiaren zima puntetako esnea

 darizula hatzamarretatik

 sagardorik emango ez duen sagarrondoa zipristintzen

 Marcel Schob eta Geneten hitzak

 hareazko muraila baten kontra estrellatzen (lehertzen)

 Ikaria aldera abiatu diren poeta gizien

 poematikak

 Ekhiaren ziutatea bilatu zutenak

 Hauen Hemeretzigarren mendeko Mozkorra baten lurrinetan

 Lapsus (Andre zahar baten algara sonora hamabost duroko

             propina aipatzerakoan, huskeria krudela) lapsus end

 Adimen baten ordua hareazko erloju batetan

 zirkorik gabeko ekilibrista

 arratoizko publiko aurrean bezala

 Eta zure ferrobiarioa.

 Eta ni arratoiaren urtekoa.

 Konstantinoplako zubiaren amets gainean

 istoria berridazteko asmoaz