Dorletako Parraua
Zaraya
Entzun ote Dorletako parauaren
apaldia?..
Nik bai nuen Uda-iñularre batean...
-Ordun abesti bat baitzan
nere erria-.
Dorletak erauntsi-adar-ondoz, dirui...
Ixil oro.
Eusko erromesak yoanak. Noizpeinka
beren letariak urrutiagoka.
Alatsu, burrun, igeska
erle pillo.
Erromesak urrun... Baño norbait baitut
emen bizi.
Iñoren bildur or dabilkit txindor bat
begira, ega, arat-onat
abes naiki...
Erromes otsik ez... Dorleta ixillaren
Ixil-atsa...
Ots!... Geldi, beldurti, txindorrak asi du
bere apaldia: «txiu, txiu, txiu,
Txiu, pitx-ttiu-ttokua».
Ixillaren ixillak indar damaio
ta biziro, ozenki darrai:
«Tio, ttio, ttio, ttio; ttio!...
Kuhutiu, kuhutiu, kuhutiu, kuhutiu,
Txuo, txuo, txuo, txuo...
txitx, txitx, txitx, txitx, txitx, txitx, txitx»!.
Andre mari adi-adi dagokio.
Txintxur-ari mea askaturik oso,
apaldia baitu yalki:
«Dio, dio, dio, dio, dio,
kuiiiuhu-Trrrrritz
Lu, lu, lu, ly, ly, ly, li, li, li»
Eusko erromesen letari-burruna
urrunegi...
Arrats-ahapaldia Andre Mariri
parrauak yosi dio... Zaraya-gainki,
aingeru-talde ega iduri,
illartargi...
Entzun ote Dorletako parauaren
apaldia?...
Nik bai nuen Uda-iñularre batean
-Ordun abesti bat baitzan
nere erria-.