Eiztariari
Uxola
Udazkeneko ego-aizeak
tellatun jo du txintxarri
bere sońuaz esnaraziaz
lotan zegoan eiztari.
«Oi egunsenti alaigarria!
Oi egunaren pozgarri!
Artu dezadan eskopeta ta
mendi-gora nadin jarri,
gaur egaztia etorriko dek
eguzki printzak eztaliz».
Bere etxolan jarririk dago
zabal-zabalik begiak
ikusirikan txit urrutian
Euskalerri'ko mendiak
noiz etorriko bere gańetik
ega bizian txoriak!
Oritu ditu basoko lurrak
zugaitzetako orriak...
ta eiztarien sakela bete
aize utza dan aizeak.