Bertso berriak
Salaverria, Sebastian
Bertso bat edo beste
nai nituzke jarri,
ta eman Aiete'ko
jai-aldien berri;
baldin iņor badago
pestaren egarri,
biotzak alaitzera
onera etorri.
Neroni ere jartzen
naiz alai antzean,
jai zoragarri abek
inguratutzean;
zer poza banatzen dan
nere biotzean
gure bailaran pestak
diran bakoitzean!
Agorrillak amalau
jai-aldi luzia,
Gurutze Donearen
egun berezia:
goizeko amarretan
meza nagusia,
parrokian bildurik
ballara guzia.
Gero ondorenean
gaņontzeko pestak:
kirol jolas politak
txistu ta orkestak;
aide bat utzirikan
lanerako kezkak,
erromerian datoz
mutil eta neskak.
Irrintzika dijoaz
plazaren erdira,
soņu alaiak jotzen
dituzten tokira;
neska-mutillak dantzan
ta zarrak begira,
euskal biotzak ola
gozatutzen dira.
Gazteak ikusirik
pestarako trebe,
gaņontzekoak pozez
txoraturik gaude;
orrela jarraitzea
guztiontzat obe,
gure euskal oitura
onak galdu gabe.
Beste gauz bat ere nai,
dizutet agindu,
mesedegarri da ta
etzaitezte mindu:
euskeraz mintzatutzen
danok alegindu,
baldin au galtzen bada
guriak egin du.
Xinistu ez gerala
galduko sekula,
Jesus gurutzekoa
zaindari degula;
badakigu guztion
artzai daukagula,
une larri guzitan
lagun dezaigula.
|