Kutunki
Satarka
Kutunki eta apal nator gaur
Zure aurrera.
Zerbait esan nai ta egiņalez
Zu aintzaltzera...
Egiņalez Zu goi-goraltzera.
Aloņamendi!! Ama agertu zan
Leku gelgarri.
Elorri eta arantz-artean
Loretxo zuri...
Arantz-artean Ama maitari.
Arantzazu'ko Ama Birjiņa
Gozo, eztia.
Udaberrian egunsenti'ko
Euzki diztia...
Egunsenti'ko lore usaikia.
Dana esan nai ta nola esan
Zeran guzia?
Itz bitan orra esan: Zu zera
Andre Maria...
Zu zera Jainko-Ama-Garbia!
Jaungoikoaren Ama zera Zu,
Ama biguna.
Zugan sortu zan Jaungoiko altsu
Seme kutuna...
Jaungoiko altsu, guzi-alduna.
Ordu onean jatxi ziņan Zu
Gure lurrera.
Anai arteko burruka aundia
Amaitutzera...
Burruka aundia betiko iltzera.
Zar eta gazte, alai ta pozik,
Zure aurrera,
Naiz ta nekatu, gogoz dijoaz
Otoitz-eitera...
Gogoz dijoaz Zu maitatzera.
Udaran kiskal, neguan izotz,
Nekazaria!
Askotan bear Zure laguntza
Unkigarria...
Zure laguntza alaigarria.
Eta Zuk Ama on, biotz-bera
Ta maitetsuak
Errukiturik pizten dituzu
Zelai, soruak...
Pizten dituzu mendi, basuak.
Arrantzaleak estu ta larri,
Itsas bizian.
Orduan ayek Zuri aieska
Estualdian...
Zuri aieska zintzo otoitzian.
Ta arrantzaleak ez dituzu ez
Iņoiz baztertu.
Eriotzako ordu larrian
Oroi zera Zu...
Ordu larrian gaizka dituzu.
Diego de Butron zintzo eldu zan
Zure aurrera.
Zuk on-egiņa biotz-biotzez
Eskartutzera...
Biotz-biotzez Zu laztantzera.
Bederatzireun dukat poz-pozik
Emanaz Zuri,
Gogo onez, xamur, bere biotza
Zugan zun jarri...
Bere biotza maitez erdibil
Baita-re urrezko kollare eder bat
Zuri eskeņi,
Ta eskar onez bere begiak
Malko ugari...
Bere begiak negar ler zori!
Ama maitea: Euskaldun danen
Eztigarria.
Gure naigabe ta illunaldiko
Izar-argia...
Illunaldiko euzki-diztia.
Txoriak kantuz Zuri kantatzen
Alidi, yostari.
Gu berriz emen gau eta egun
Estu ta larri...
Gau eta egun zotinka Zuri!!
Gure azkena datorrenea...
Arren ez utzi!
Lur au lajata zeruan-alai
Zurekin bizi...
Zeruan-alai kantari beti!
Ama txit ona: Agur, banua
Zure ondotik.
Zugandik urrun... maiteko zaitut
Biotz barrutik...
Maiteko zaitut gogo guztitik!