Nere maitea txuri-gorriak

Altzo-Azpi, Did.

 Loak artu nindun

 Apal-ondorean

 Gaua etortzean.

 Goiko ogi-ardoaz

 Ase-moxkorturik

 Artu nindun loak,

 Maiteren biotzan

 Etzanik burua,

 Ardura-gaberik

 Amets gozoetan

 Nintzala gaxoa

 Artu nindun loak.

 Sutondoan pozik

 Lotxo eztitsua

 Egiten negoan,

 Maiteren besoak

 Seaska izanik

 Maiteren biotza

 Abeslari izanda.

 Txorikume zurtza,

 Biotza, otz-otzik

 Esnatu zitzaidan:

 «Nun zaude, eguzkia!

 Nun zabiltza, maitia?

 Nuti zaitut? esanik.

 Maitearen billa

 Laxter jaiki nintzan

 Nornairi galdezka

 -Jetsemanin nunbait

 Aitari otoizka

 Izango ote da?-

 Ziotsan biotzak.

 Zugatzei galdegin,

 Arzulora-joan

 Gauko illunpetan...

 Abarrots samiñaz

 Abeska-abesturik

 Zegon zugaztia:

 Odolezko intzaz

 Arzulo-belarrak

 Zeuden gorriturik.

 T'ixil-ixitikan

 «Aspaldi joan zan»

 Zioten zugatzak;

 «Joan zan aspaldi»

 Zion arzuloak.

 Zitori liraña

 Kazkabar-ondoan

 Gelditzen dan berdiñ

 Gelditu zitzaidan

 Ene bioztxoa,

 Basoko lilia.

 Gogoak arturik

 Maiteren gogoak

 Cedrongo sakana

 Igaro,bai núan.

 Umetxo bat pozik

 Aldapa barrena

 Zetorren laxterka

 -Aingerua al zera

 Maitek bialdurik-

 Billatzen nazuna?

 -Amaren aldera-

 Urrengo etxera

 Aguro noa bai:

 Zitorizko txorta

 Ementxe daramat.

 -Mirra lore-pilla

 Izango al balitz...

 Miñ bizik miñgaña

 Jan dion gaxoak

 Bezela; nik itzak

 Puska-puskaturik

 Egiten nituan

 Miñaren indarrak

 Miñgaña lotuta.

 Goi-gorantz igo, bai,

 Gorantz igo nintzan.

 Urruti lapurrak

 Nabari nituan

 -Maiteren aztarnik

 Esan nien bela,

 Ezta leku ontan?

 Maitasun-sukarrak

 Bai nauka arturik-

 Makilla kenduta,

 Makil-ukabilka

 Ari zitzaizkidan.

 ­Ni berriz ixillik!

 Miñik ez-bai nuan

 Ezertxore izan

 Biotzeko miñak

 Gorputza amosturik.

 Aitzen det aiotsa:

 «­Maitea! ­Maitea!»

 Dei-deiezka il zan

 Begiraka neri,

 Arantzezko oyan

 Etzanik burua,

 Odolez jantzita,

 Biotza usturik.

 Miñez txoratua,

 Laztandurik oñak

 Nere besakadaz

 Bizitzari eutsi

 Nai nion gaxoak;

 Negarrez santsoka

 Azkar uste nuan

 Maita esnarazi.

 Alperrikan baña;

 Azkeneko loa

 Egiten bai-zuan.

 Ordundik; ordundik,

 Txorikume zurtza,

 Gurutze garayan

 Det nere kabia.

 Giro ona dalarik

 Gurutze muñoan

 Abesten-abeska

 Gabaz ta eguñaz

 Egoten naiz-beti.

 Giro txarra dala

 Biotz arzuloan,

 Txokoan-txokoan,

 Izaten naiz berriz.