Autsa naiz
Altzo-Azpi, Did.
Nere egunak igesi zuten
Txoritxuak bezela kabira!
Nun, nun daude?-Betitasunean
Ta zer dira?-Auts utsa; ezer ez.
Oi-zoragarria bai izandu zan
Basetxealdeko intxauspetan
Igartu zitzaidan gaztaroa,
Beien tartean
Soro lanetan
Kabien billa!
Yostaka nebillen aurtxoa!
Yostaka josten;
Josia austen,
Bizia galtzen,
Gaztaro-gabe gelditu nintzen.
Zer da, adimena, gaztaroa?
-Autsa, ezer ez.
Auts bakarrik da edertasuna?
-Bakar orixe.
Aberaskiai atzeman naiaz
Makaldu nintzan; ospe ondoan
Laxterka, zauritu; maitasunak
Illik bidean
Bizitz-erdian
Utzi ninduan.
Yostaka nebillen gizajoa!
Yostaka josten,
Josia austen,
Bizia galtzen,
Gizaro gabe gelditu nintzen
Zer da, adimena, gizaroa?
-Autsa, ezer ez.
Autsa bakarrik da aundi-naya?
-Bakar orixe.
Bizitza igeska, nik eutsiaz:
Indarka gaude burruka latzan.
Bizi-ustea bakarrik daukat.
Egunak azkar
Ega-egaka
itzali dira
Yostaka ibilli naiz gaxoa!
Yostaka josten,
Josia austen,
Bizia galtzen!
Bizirik gabe nauzute emen.
Zer da, adimena, zartzaroa?
-Autsa, ezer ez.
Autsa bakarrik da bizi-gura?
-Bakar orixe
Nere oñ-azpitan illobia!
Goiko gallurretan eguzkia!
Nere gogoan uste bizia!
Nere egunak
Une batean
Juango dira...
Baño... goi-goian det nere etxea...
Antxen beñere
Arorikan ez
Izango eztet,
Betiko eguna baidet antxen..
Zer da, adimena, nere bizitza?
-Zeru-bidea.
Bide bakarrik al da ludia?
-Ori bakarra.