Andre Maria aurtzai
Altzo-Azpi
Ori umetxo zoragarria
Bai duan Mariak,
Joseren andreak!
Goiko esnez lumak txuritua,
Jainko-malkoz begik garbitua,
Ori dan zolia
Usoixo garbia!
Gotzonak, zerutik jetxi, bota,
Seaska polita
Txuri ta gorrizta.
Abesti maitetsu-eztitsua
Abes zaiozu, ama txairua,
Seaska klun-klan, klun-klan,
Erabillirikan.
Ao-txikia erdi idikila,
Itxirik begiak,
Lo dagi Aurtxoak...
Jaungoikotxoaren masallean,
Lili gorriak beziñ gorrian
Amak bere ezpañak
Ditu ezarriak.
Gotzonak mordoxkatan bilduta
Zurumur gozoan
Bat besteren leian
Goi-arrabitak jotzen dituzte;
Gabirelek dagi erespide
Eta abeslaria
Da Andre Maria.
Abesten ari da Andre Maria
Erexi xamurrak,
Goiko eresiak
Ixil-ixillik itxaso uiñak!
Ixil-ixillik biotzen griñak!
Baretu aizea!
Geldi adarpea!