«Zuk hil zenuen artzaia...»

Txirrita

 Larogei urte pasatu ditu

 dirudiela etsaia,

 orain bi hankak arrastaka ta

 burua soiltzen hasia,

 gizarajuak badu beregan

 makina bat desgrazia,

 ez dago garai batian bezin

 arrua eta lasaia,

 beste munduan ikusiko du

 hemen hil zuen artzaia.

 Kulparik gabe bota zenion

 fusilako kargazoia,

 gizon gaxuak haserretzea

 ez al zuen arrazoia,

 diabru zaharrak aditzen dute

 zure animan usaia,

 heriotzaren etor-bildurrak

 estututzen du lasaia,

 zu baino gizon formalago zan

 zuk hil zenduen artzaia.