Berri pozgarri bat da

Lexo

 -1-

 Berri pozgarri bat da

 etxera iritxi,

 ez genion iñola

 aterikan itxi.

 Eztira maitatutzen

 ola zenbait pitxi,

 poztu dira biotzak,

 gañera ez gutxi.

 -2-

 Anaia etorri zan

 etxera goizean,

 ezagun zan zegola

 gañezka pozean.

 Exerita jarririk

 maiaren ertzean

 esan zun: aita egin

 naiz bart arratsean.

 -3-

 Nexka edo mutilla

 zaneko galdiak,

 egiñarazi dizka

 algara aldiak.

 Pozez beterik dio:

 izan dira biak,

 semea ta alaba,

 baitira bixkiak.

 -4-

 Ezta errez agertzen

 orduko bilduma,

 erabiliagatik

 zentzu eta pluma.

 Aiton, izeba-osabak

 itzik ezin suma,

 amona ia dantzan,

 juanik erreuma.

 -5-

 Beste aldeko aiton da

 amona gaztiak,

 izabetxoa berdin,

 eztaude tristiak.

 Aita ta amak berriz

 zorion guztiak,

 ain dira polit eta

 ain dira eztiak!

 -6-

 Dagonerako artu

 dute zerbait maña,

 kanpora noiz irteten

 diran, alajaña,

 antzematen diote

 txikik dira baña,

 malizia ba-dute

 Moises batek aña.

 -7-

 Seaskan daudenean

 ixill da umillak,

 oiri begira pasa

 leizke ordu pillak.

 Aien esku dantza ta

 beste jestu millak,

 txoratuko gaituzte

 bi nexka-mutillak.

 -8-

 Orain amets dedana

 laister egi bera,

 eta orduan ere

 goza bear gera.

 Jaunak ematen badit

 zori ta aukera,

 entzun al izateko

 bixkien euskera.

 -9-

 Ametsaren kuadroa

 jarriko det garbi,

 uraxe izango da

 maitasunen kabi.

 Osaba bertsoetan;

 illoba bixki bi,

 magalean jarririk

 ezker da eskubi.

 -10-

 Illobatxo omenez

 osaba baldarrak,

 jarri ditu bertsoak;

 onak, ez kaxkarrak.

 Borondate onenez,

 ori bai, amarrak,

 kondaira osa dezan

 Euskalerri zarrak.