Bildurrari

Lazkao Txiki

 Zure mendean daukat barrena

 zu zerade gauz maltzurra,

 edozein tokin, fiñetan ere

 sartutzen dezu muturra,

 gaur ere zuk eman dizugu

 egundañoko egurra,

 ikusten etzeradena bañan

 burrukatzen ez xamurra.

 Zuk galtzen dezu amaika aldiz

 askoren eginkizuna,

 berez motela dana aguro

 menperatzen dakizuna,

 gorroto biziz itzelten dizut

 gaur, o zu bildur lizuna,

 gizon aundi ta fuertiak ere

 menderatzen dituzuna.