Moztu ditugu gure larreak eta bihar nora?
Iturralde, Jose Mari
Garai batean ginen
larre-behi... gutxi
eta guretzat hainbat
belar zen iritxi
ez ginake poztuko
gaur egun gutxi
denok goserik gabe
bagindezke bizi
bainan ez litekela
zeinek ez du etsi?
Lau behi jarririk
belardi batean
ase litezke hoiek
denbora luzean
bainan zortzi izanik
zelai berean
hura lur-gorritzen da
hain ustegabean
eta denak adarka
konpon ezinean.
Herri txikia lurrez
biztanle ugari
Industriak hauxe du
gaur egun ekarri
gorrotorik ez daukat
atzerritareri
etxeko ta kanpoko
orain gera larri
amore eman nahi ezik
inolaz elkarri.
Gohitik ez zuten hartu
behar zen neurririk
orain negar guztiak
ditugu alperrik
atzerritarrak ez du
batere errurik
bainah zuzentzekotan
bide bat bakarrik
artoa bezelaxe
zenbait bakandurik.
Hau zuzenduko da!
entzuten da maiz
bainan gai honetaz
etsikorra naiz
diru-denak ez dira
etorriko berriz
beren buru arroak
umilduta jarriz
nahiz hiltzen ikusi
gose ta egarriz.
Jarri gaitezen denok
biarko begira
zein ote liteken
guretaz kupira
belar guztiak janak
ditugu erdira
hemengoak mozturik
orain atzerrira
hango larre jabeak
konforme badira!
Baserrian dagonak
gutxienez gaitz-erdi
nahiz atera behar
hainbat izerdi
ikuilun behi ta txekor
larrean lau ardi
nahiz ez len hainbat
soro ta belardi
lanan mendean beti
gizaldiz gizaldi.
|