Erreala berriro txapeldun
Iturralde, Joxe Mari
Milla bederatziehun eta/larogeita bian
hain zuzen Apirillaren/hogeita bostian
Atotxa deitzen zaion/zelaitxo txikian
hogeita hamar bat milla/giñela aurrian
hain une larrian
irabaz nahian
nahiz eta umorian
elkarren artian
zutik egoterik/gendun bitartian
(berriz)
«Atletic» Bilbotarra/Errealan aurka
azken ordu arte/ez zuena uka
indarrez osatua/Joku ona dauka
baloia jokatzen du/baztertuz burruka
gu gohitik orruka
denetik oihuka
eta erreguka
egin zedin buka
Erreala Txapeldun!/oihu batez oska.
(berriz)
Lengo urtean Txapeldun/aurten ere berdiñ
sinistu eziñeko festa/degu Euskal Herrin
nahiz Barcelona, Madrid utzirik hain azpiñ
diru denak berekin/hala ere eziñ
egingo nuke ziñ
askok dutela miñ
nahiz saia alegiñ
nabarmen ez dediñ
Errealak utzi ditu/egoera larriñ
(berriz)
Hauek jokatu dute/urtearen burun
Iganderoko Arkonada/atean ingurun
Olaizola, Gorriz, Zelaieta/askotan istillun
Kortaberria, Murillo/ez direla urrun
jokatzeko ordun
segurutik jardun
irten gabe galdun
eta onartzen gendun
hoiek berdintzekorik/ez dago Mundun
(berriz)
Aurrelarik ematen dute/beste hoien galga
Uralde, Zamora, «Satrus»/nahiz Larrañaga
Alonso, Diego, Ufarte/aldiz Zubillaga
Bakero, Iriarte eta abar/ez ditut nahi laga
benetako eztanda,
oraingoa izan da
duten dena emanda
hitz bitan esanda
sinistu eziñeko marka/aurten egin da
(berriz)
Askotxo egongo dira/oso zapuzturik
pentsatzen ez zutenak/hortara iristerik
egin esate ezgero/ez dago dirurik
baiñan ez zaigu falta/bertako gizonik
hau horrela izanik
ez da zer esanik
zer eska gehio nik
duten dena emanik
ez dut uste gehiago/egin litekenik
(berriz)
Gora Euskal Herria/gora Erreala
gogora denen gaiñetik/sinbolu bat dela
pozez beterik gaude/haurtxo, bat bezala
eta berriro ahal balitz/Jaunak nahi dezala
bian izan ditzala
nola edo hala
ekipo apala
eta diru itzala
ez digu ajolarik/guri «Mundiala»
(berriz)