Ara aurtxo txikia

Iraola, Patxi

 -1-

 Ara aurtxo txikia

 begira zugana,

 zu ziñan aspaldian

 desio nuana,

 ta bizitza artuaz

 gaur zatoz gugana,

 bañan ez dakit oso

 ote zauden dana,

 zer eingoda artu ber

 Jainkoak emana,

 -2-

 Maitasunez sortuta

 banuen urrean,

 bizitza pasa ustez

 gozoki lurrean,

 zure zai egon gera

 era jatorrean,

 ta orain ikusirik

 aiñ era txarrean,

 aurtxo negarrez nago

 zedorren aurrean.

 -3-

 Seme zure doaiak

 gaizki dabiltzela,

 ta nik ez izanikan

 aiñ biotz txepela,

 mongoliko ikusirik

 aurrian onela,

 biotzetikan miña

 sufritzen detela,

 bañan maitatzen zaitut

 sano bat bezela.