Nundik nora zabiltza
Iparragirre, Xanti
1
gure bide garbia
betiko ametsa
herri gudarientzat
aterpe babesa
nundik nora zabiltza
Lartzabal apeza
irratitik entzun dut
agurrezko meza
zuk badakizu zer den
askatasun eza
2
haizeak hedatu du
erihotz ezkila
abertzale guztihon
ahotan dabila
lurrak estaliko du
zure gorputz hila
guztia eman duzu
askatasun bila
honeraino heldu da
zure bizi zaila
3
atsedenik gabe
zu gau eta egun
lotan dagin herri hau
atzari nahi zendun
gu guztiok bilaka
gintezen euskaldun
erranaz euskotar hok
bat egin dezagun
askatasun bila
euskaldun fededun
4
politiko gehienak
gaizki ikusia
eleiz buruak ere
alde bat utzia
baina zuk burrukari
lotua bizia
zanpatuei emanaz
zeneukan guzia
askorentzat badago
hor zer ikusia
5
helburu berarekin
bizitza osuan
herri lanean eta
guda erasuan
zuretzako mugarik
ez zen Bidasuan
antzeko asko izan
balira auzuan
gaur beste txori batek
kantatuko zuan
6
abertzale zintzoak
seme hautatuak
lagun ahantzi ezinak
zinez maitatuak
frantses eta espainol
zikinen tratuak
asko dituzte hilak
eta hondatuak
zenbat nahigabe zure
bihotz urratuak
7
bihotza lehertu dizu
lagunen azkenak
baziran bai zu ere
hil nahi zinduztenak
azken urte hauetan
zer nolako penak
anitz idatzi duzu
ez ordea denak
lurrak ez ditu behar
minik garratzenak
8
azkenekoz zugana
joan nintzanean
idazten ari zinen
betiko lanean
ezin zendun hitzegin
nahi zendun hainean
gorputz dena dardaran
geldi ezinean
hala ere arma bat
belaunen gainean
9
eleizak gaitsetsia
du zure bidea
estaduko indarrak
itotzen jendea
espetxeak beteak
besteak lurpea
alduena ahalduen
lekuan gordea
azken erihotzean
zer bakardadea
10
zutik atxikiko dut
nik zure makila
bidea jarraitzeko
askatasun bala
egin duzunagatik
zuri esker mila
agur zure barruko
garraxi ixila
gudari hon aitatxi
haizean dabila
|