Euskaltzaleen patroia
Aguirrezabal, Andoni
Prantzisko Xabier Saindua,
Gure Patroi aundia,
Zabal-zazu euskera
Euskalerri'an barna.
Euskaltzale guztiok
Gogoratzen ditugu
Zure eriotz-eguna,
Euskeraren eguna,
Egun berean biok.
Ain ederki gure izkuntza
Prantzisko mintzaturik,
Azken-otoitz beroena
Euskeraz egin zuen.
Guk ere, euskaldunok,
Ori bera egin bear;
Euskeraz mintzaturik
Euskal-Erri osoa
Gero ta euskaldunago.
Prantzisko'ren arima
Jainkoa'k eramanik,
Zerurako bidea
Euskerak artu zuen.
Noren naiaz gaurdaņo
Iraun gure izkuntza...?
Jaunaren borondatez.
Jainkoa'k nai duena
Ez al dugu egingo...?
Prantzisko'ren gogoa
Ain euskaldun izanik,
Euskera berarekin
Zerura eraman zun.
Erabaki sendoak
Ar-ditzagun lenbailen,
Euskera, gure artean
Beste gauza baino len,
Gotorki bizi dedin.
Erdeldun euskotarrak
Euskaldun biurturik,
Lan aundia, benetan,
Gure izkuntzaren aldez.
Orrelaz ba'dagigu,
Laister Euskal-Erria
Munduan izango da
Izan bear duena,
Guztiok nai ba'dugu.
|