Txori gaixoak!
Iruzubi
Txori polit gaxo bi
izotzetan,
naigabea zutela
biotzetan,
elur jasa batean
jira bira,
zitzaizkidan etorri
atarira.
Nere kayoltxoaren
atarian
negarrez txio txio
goiz batean,
otzak eta goseak
kuzkurturik
arkitzen ziran ezin
pizkorturik.
Irten nitzan etxetik
berengana,
bioi emate arren
beren jana:
ta apalkiro arturik
txapelean,
jari ditut txokotxo
epelean.
Seaskako aurraren
oiñtxoetan,
gozatzu-xamur-legun,
beroetan,
zapitxoaz gañetik
estalirik,
antxen daude gaixoak
alkarturik.
Abesten asi dira
bi txoritxo:
eman zaiezu musu,
bai, enetxo:
Laster bai dira izango
egatuak,
txoritxo zuk seaskan
berotuak.
Txorrotxo, txio, txio
ari dira
Irten naiean ariñ
goi mendira:
Ta abestitxoak aura
esnaturik,
Pipia! dio parrez
arriturik.
Irten da eguzkia
sortaldetik
bai ta txoriak ere
kaiolatik:
eta elur-izotzak
urtutzean,
alai abesten dute
nere etxean.
Orain jarri dirade
bero bero:
t'etxe inguru dabiltz
egunero.
Zeruari eskerrak
maiz emanaz,
Gure jaungoikoaren
biotz onaz.
Nere egun berriko
esnaerak
dirudi aingeruen
izaerak:
Aingeru bat seaskan,
nere lagun:
txoriño bi kantari
gau ta egun.
Alaitasuna dago
nere etxean,
abestiya egunero
leio ertzean:
emaztea ta aurtxoa,
aingeru lez,
txorieri begira
irri parrez...
|