Pasai bide
Garbizu, Danel
Barruti ertzeko gaztaindi bide
zera zu izendatua,
zugaitz ta lorez, ibai, itxasoz
bai ederki inguratua.
Auntz eta ardiak alai dauzkatzu
ortxen zuk sasi tartean,
usai gozodun garotatikan
kirkirra ixildu artean.
Ementxetikan ikusten ditut
korkoyen jauzi ariņak
ta oyei begira, abestutzen du
zugaitzetikan tariņak.
Mendi, itxaso, baso, ta zelai
ta errekatxoen ertzean
mota askotako txorikumeak
dituzu asi mayatzean.
Seaskatxo bat egingo det nik
zuri araskak kenduta
ta aziko ditut ume garbiak
zure ostoetan bilduta.
Pixti guztiak asetzeko ainbat
janari zuk badaukazu
ta ur garbiakin errekatxo bat
Jaizkibel'ek eman dizu.
Zugaitz azpiko ur axalean
aatetxoak ojuka
beti dauzkatzu, zu zaudelako
itxasoairi musuka.
Aate oyen aldamenean
mutil koskorrak igeri.
Zu bezin polit, ta ederragorik
ezertxo ezta ageri.