Jesus, nere poza
Franck, Joh
I
Jesus nere poza
Nere atsegiņa,
Ai! nere biotza
Zure miņez dago,
Nere laztana
Nai du zugana
Zurekin aberats naiz
Lurrean eztet maiterik
Zu Jesus besterik
II
Nere etsaiengandik
Zuk zaintzen banauzu
Banago ziur;
Naiz mundu guzi au
Dardar ikaratu
Ni ez naiz beldur;
Jesus det nere alde
Naiz etsaiak marrumatu,
Naiz lurra ondatu.
III
Eup! etsai maltzurrak,
Eup! eriotzaren
Beldur-laztura;
Gizonen asarre
Ta sumiņagatik
Eztet ardura;
Eskutik nauka Jaunak
Eror eznadin lezean
Nabillen bidean.
IV
Aldegin, lurreko
Gozamen, ondasun,
Omen utsala;
Jesus da bakarrik
Nere atsegiņa,
Alde berala!
O Jesus, ezerk ez nau
Zuregandik bereziko
Egun ta betiko.
V
Alde, illunkeria!
Nere Pozgarria
Jesus eldu da;
Jainko-zaleari
Naigabeak berak
Zaizka onura;
Neke miņetan ere
Zu zaitut, Jesus eztia,
Nere Pozkaria.
|