Gaixorik gau ixillean, amets dagit
E[nbeita], Balentin
Gauan ixilla aizeak txistu
Gelako leio zarrian,
Gaxorik oian luze etxunda
Osasunen egarrian,
Biotza goibel, burua oldozkor
Laguntzaren biarrian
Baiņa laguntza ixilik dago
Lotan oe bazterrian.
Gauan ixilla itun ixilla
Baiņa ez gogo barnetan
len egindako ainbat pikardi
Barruan baki ernetan,
Gauan ixilla leuna da baiņa
Ezda ibilten brometan.
Ondo ausnartzen dakianentzat
Oso ederra benetan.
Gauan ixilla ez da ixilla
Deitzen badaki gizonai,
Bere oyartzuna ixilik dator
Baiņa jarten gaitu ernai,
Barne ixilian zirikatuaz
Amets dagioe danai,
Amets Erriaz, Amets Bizitzaz,
Kozkaz jarten gaitu, nun-nai.
Gau-ixilla biotz esnale
Maite minduen sukarra.
Anai arteko bake zalien
Biotz garbien indarra.
Gazte, aren indar berritze
Egun sentiko didarra,
Gaua ixilla, Kontzentzi azkok!
Daukaguz zure bearra.