Maitasun damua
Aurraitz
Asperenka yoian aize bolada bat
odolezko illun-abar ituna zear.
Semearen neke-samiņak sastakai,
Ama baten negarra, illuntzean, bakar.
Golgot tontorrean oņazeak azke...
Ardura bako erri-abarra alde zan...
Goiko Jaun gizondua erdi bakarrik
utzi eben, maitasuna odoletan.
Erruki dariola soin zauritua
guarren apagai kurtzetik dangilis.
Amaren oņazeak malkozko iturri...
Errudun naz Jauna! Zeure erailla likits.
Zeru-lurren asarrea ikaragarri!
Ogenen errua igesi bildurrarren.
Gorrotoa etsi oin-pean tatarrez,
odol artean maitetasuna azkezpen.
Pekatuaren gaiztakeri zitala!
Jaun ori, biotz-biotzez maite zaudaz.
Errukitu zadi, arren, Kristo nitzaz:
ondo garbaitu-ta nago Zeu irainduaz.