Gazte lizuna
Aurraitz
Barru loian amilduta,
Kale ertzean zegon gaizoa.
Lizunkeriz zikinduta,
Adore barik gogoa.
Liraintasuna galduta,
Illun begi-tartea.
Loikeriak ankertuta,
Motela begikunea.
Garbitasuna urrunduta,
Biotza oso laztua.
Itxaropena galduta,
Gaitz ikusten dau damua.
Oldozkun loiz lausotuta,
Illundu jako zerua.
Griña-txarrek oratuta,
Gazte dala, zaartzarua.
Ardau ta abar, moskortuta,
Iñok ez dau ikusi gura.
Mintzura xaramatuta,
Bizi luzarik ez dauka.
Lizun-aiztoz zaurituta,
Oiñak txakil ibilteko.
Arnasez nekatuta
Erio ingurun yabilko.
|