Gabonetan
Aurre-Apraiz
Zeure askatxuaren agerrean, Iosu,
umetako Gabonen anotsak dantzudaz,
ludikeriz kutsutu bako eresiaz.
aingeruen abestiz, otsezti gozatsu.
Biotzaren taupadak, otoitz egalari,
eguraldi otzaren egoetan gorantz,
gogoaren pozezko eguratzez, egaz,
neurekautan sortuez gogamen pozgarri.
Egoak moztutako aroa inguruan,
gora begiratzeko begietan lauso.
Gabonak zein beste egun, bizi-poza geixo,
itxaropen bagako bizikera auletan.
Zure jaiotza, Iosu, bekigu indargarri
siņismena berpiztu dakigun Euzkadi'n,
goimatasun-argia gugan izan dadin:
Aldi txarrai erostaz ez gaitezan ari.
Itxaropen-izarra beite gure elburu;
siņismena berpiztu dakigun Euzkadi'n.
goimatasun-argia gugan izan dadin:
Aldi txarrai erostaz ez gaitezan ari.
Txikitako Gabonen pozak iraun bedi
gure gogoan, beti, maitasun-sendari.
Jaiok beitez guretzat zorion-emari:
Aintza goian. Jaunari, baketsu gizadi...!