Gabonak
Aurraitz
Zure askatxuaren maitasun-disdira
maitekor ta txeratsu yatort urrunetik.
Neure burua argituz, laiņoen artetik,
ume-aroko pozak neuganatu dira.
Idi eta astoaren arnasen tartean
guraso maitetsuen begimena dakust.
Maitasun billoiztuak barrua zaurtzen daust:
Geu-arren aur-egiņak mun dagist, gogoan.
Gaztetxutako Gabon jaien aize otza,
zador eta kantuak, aroa, pozgarri;
siņismenak bultzatuz, itxaropengarri,
Iosu'ren jaiotzeaz, arimen bizitza.
An, or eta emengo etxe-bizitzetan
maitezko ospakizunak aurtxuari adi:
Zaar, gazte ta adiņeko, gogoak jauzkari,
benetako pozaren zelai garbietan.
Sutondoko autuak gorantz doaz, otoitz,
eresi garbietan orduak, bizi-poz.
Naiz-ta gaikoen otsak inguruak izotz,
siņismendunarentzat Gabonak poz bikoitz.
Iosu'ren seaskatxu txiroan, disdiskor,
itxaropen-pozezko emokai ugari.
Gabon-aro alaiak osasuna dari:
Jaioparrientzat gure poz eta lor.