Edurra
Aurraitz
Edurra!
Edur zuria!
Edur-matatzen txukuntasun garbia!
Bigun eta gozatsu biņotso:
Beiņola zerutik jausi izan zan
manaren gomutea yatort gogora.
Gorantz yoataz burutapenak
zara-zara biņotson zuriari adi
ta Egille Gurenaren aunditasunaz,
zentzuna konkor,
gogamenetan amildurik,
edoietatik jausitako
izadiaren longain gardenaz
gogoa dardaraz, eder-min,
bestaldeko bizitzearen-ezaugarriak
zentzumenean ots dagist.
Eresi zuriaren igiera gardenetan
gogoaren atsedena yabilt jostari
eta aize gordiņak, atz umeletan,
urrun arrotzen oskidegoak
urratzen diardu basoan.
Negu gorriaren egurats zurian,
edur-matazen zurrunbilloan,
bizi bearraren laztasuna adirazten
diardue txori gaixoak,
egaztada makaletan,
eta bare-bare dantzut,
neure ixil-barruan,
zuri gardenaren egarri bizia.
Edurra!
Edur zuria!
Edur gardena!
(Neguaren eresi goitarra)
Amaika ames olerkoiren
sortzaille eragingarria.