Zerura
Arzac, Antonio
III
¿Eta gero? -¡Ai! jauna...
urrengo goizian
nere Antonen ama
nik aldamenien
ikusten nuenian...
eta arratsian
gaztiyok elkarrekiñ
errosariyuan
difuntuen gatikan
erregututzian...
¡ez dakit zer sentitzen
nuen biyotzian...!
..................
-¿Ta ama bizi al da?
-¡Ez gasua... bañan...
begiyak nik ichirik
mundutikan joan zan!
....................
-Eta zu ¿nola zera?
-Ni kontentu, jauna;
nere anai zarrena
echian deguna
chit ona da neretzat,
denak maite naute,
aitortuko ezpanu
biyotzik eznuke;
koñatari lagun zen
diyot alegiña,
illobachoak dute
ikasten Dotriña
beren gelan daukaten
Ama Birjiñari
lore sortak eskeintzen
dizkate kantari,
t'ingurutikan datoz
neskachak onera
arratzaldetan josten
nik erakustero;
orla joanik egunak
egunen ondoren...
beti esperantzetan...!
ta beti matetzen...!
IV
Isildu zan Maricho;
t'irten nitzan andik
nere artian orla
pentzatzen jarririk:
-Beti esperanzetan...!-
¿Al da gure biziya
esperanza baizik?
¿nola bizi liteke
iñor au galdurik?
Len joan, ta oraiñ esan
orduko pasarik,
¿gelditzen zaigu ezer
gero bat besterik?...
.....................
-Ta beti maitetzen...!-
¡Bai, Maricho, bai! zure
antzikan ez duten
¡zenbat neskacha gazte
gaurko egunian,
biyotza kolokan ta
aizia buruan,
zorionaren billa
godetzen dituzten...!
Gizonak alchatuak
badira erriyak,
Jaingoikoak egiñak
baso ta mendiyak!
Ta nebillan zoratzen.
|