Egunsentia
Artola, Ramon
1
Onen etorrera da
Biotz pozgarriya,
Daguen denboran zeru
Azpia garbiya:
Izarrak joaten dira
Galdubaz argiya,
Gelditzen dalarik, bat,
Ura illargiya,
Itsazora jetxiyaz
Lo artuban iya.
2
Beren izkeran agur
Egiņaz Jaunari
Txori txikiyak asten
Dirade kantari;
Gaisuak ontan diran
Bitartean ari,
Indarrak laburtuta
Arratz illunari,
Jaioera ikusten
Zaio egunari.
3
Sortegiko aldean
Azaltzen da ontan
Zillarrezko zinta bat
Zerubaren mugan;
Gero ugariturik
Argitasuna an,
Balegoke bezela
Urrutiya sutan,
Eguzkia sortzen da
Mendiyaren puntan.
|