Arbol sendoa eta argala. (Ipuia)
Artola eta Elizechea, Jose
Arbol aundi sendo bat
biziro tentia,
zeguen adarrez eta
orriyez betia;
inguruan zituben
biziro argalak,
orrengatikan zeuzkan
berekiñ ark galak;
ari begira jartzen
zan jende guziya,
esanaz: "ederra da;
begiragarriya;"
berak ere bazeukan
jaun-naya berekiñ,
esanik: "ez dit neri
ajolik deus-gatik,
ni menderatzerako
aize ta eudiyak,
lurreratuko ditu
emengo guziyak;
zergatik dauden miak
eta ezer-ezak,
ichura charrekuak
galtzen chic errezak;"
itza abek esatez
bukatu baño len,
ara aize ta egualdi
char bat non datorren;
argalak okerturik
an iraun zuten,
baña aundiya zuben
zatietatik eten.
................
Gizon artian ere
au baita gertatzen,
argala deus ezdala
zaigu iduritzen;
eta gaitz char bat bada
noiz edo beiñ sortzen,
¡zenbait medar libratu
ta gizen da illtzen!
|