Errege-jaya
Emeterio Arrese
Izar txuri-txuri bat
agertu da goyen;
¡au poxa! laister dira
Erregiak emen.
Pitxi eder ta goxo
ekartzale oien
bidera guk, amatxo,
zurekin lenbailen...
¡Goazen, goazen txit alai
Izazkun-mendira,
argitasun polita
piztu dan tokira! (Bis)
Agur agur agur
Errege zaldunak
Erregien Errege
gurtu nai dutenak.
Aurtxo maitagarriak
maitatzera pozik
zaldi-gañean datoz
eguzki aldetik.
¡Ara..., ¡ara nun diran
jostalluz beterik!;
¡Errege beltxa dator
bestien aurretik!
Apaiñ-apaiñ jantzita
lore-sorta bana
eskeintzera gatoz gaur
Erregiengana. (Bis)
Agur, agur...
Ama Birjiñari ere,
atsegin ar dezan,
txortakin batez muxu
nai diogu eman;
t'iru Errege oiri
amatxo, zuk, esan
pitxiak, bai, jartzeko
aren eskuetan.
Gure aurrean daude;
ikusi bertatik;
Iñoiz ez degu izan
orlako zorunik. (Bis)
Agur, agur...
¡Au poxa!, Erregiak
etorri zaizkigu,
biotz-biotzez orain
agurtzen ditugu.
Laister, lo bat eginda,
¡zorioneko gu!,
xapata-barrenean
¡a, zenbat jostallu!
Amets eder goxo bat
aurrak ein dezaten
izar txuri polita
piztu da goi-goyen (Bis)
Agur, agur...
|