Amaren muxuak
X.
Intxaur txiki bat badidat eman
iretzat, ene maitea,
ematen baidak, arpegi ontan,
muxu bat luxe-luxea.
Ainbat maite aut, ene Joxetxo,
ainbat agokit parea,
altzoan aukat, urrea bezin
kuttun-kuttunki gordea.
Ene semetxo maitagarria,
aidez dabillen txoriyak,
eman nai dizkik, nik bezelaxe,
jetxi-ta, muxu berriyak.
Ire alboan egan zebillek;
ain eder matrail gorriyak
ageri dauzkok, beti txiuka
irerontz zekark irriyak.
Aitatxo Peru datorrenean,
jango au noski muxuka:
berdin amatxok bere kemenak
artan indarrik badauka;
baņan bitarte, amak magalan
gozo ta kuttun bai auka;
goitik datozen ezpain bigunai
irerik etzayek uka!...