Maria orban bagarik sortuari
Arrese ta Beitia, Felipe
Pozik zakuse begiok izar paregabea,
Distiatuaz argia,
Bestek ezlako bizia,
Dirudizula goi-zeruaren irri-barrea,
Dozuna jarri soru illuna alegerea:
Daukazulako sortuerea,
Orban bagarik Maria,
Desusen Amagarria.
Askatu nairik balitza legez ulle kordea
Ikusten dot iturria,
Zidar antzeko zuria,
Ta mur-mur gozoz iragarririk gertaerea,
Zerren gaurkoa bardin bagarik jakun zurea,
Daukazulako sortuerea,
Orban bagarik Maria,
Jesusen Amagarria.
Zarikak pozez kolkoan nai dau ezkutetea,
Errechiņola zolia,
Chori kamari nausia,
Bere soņuak dauke garbiro esan gurea,
Sekula baņo gaurkoa dala egun obea,
Daukazulako sortuerea,
Orban bagarik Maria,
Desusen Amagarria.
Aise gozoak nai leuskizue ume maitea,
Emon laztan bat guria,
Lirioak ein jantzia,
Zerren zuririk zuk dirudizun usokumea,
Iragarteko olibo adarraz guri bakea
Daukazulako sortuerea,
Orban bagarik Maria,
Jesusen Amagarria.
Bersolariak botaten deutsu gaur aterea,
Neurtitz asko egokia,
Jarririk soņu barria,
Jaungoikoaren Erriak barriz esperantzea
Egun onetan atsegindurik dakus betea,
Daukazulako sortuerea,
Orban bagarik Maria,
Jesusen Amagarria.
Ulu egiņaz deika dagotzu zuri jentea:
"Goiseko izar argia,
Munduaren pozgarria."
Gaur dozulako bildurrez jarri zuk illunpea,
Baita zauritu burua ausiaz bere Erregea,
Daukazulako sortuerea,
Orban bagarik Maria,
Desusen Amagarria.
|