Ama Euskera
Esan bidurrik gabe
Euskaldunak gera.
Iparragirre.
Lur txiki artan guzien diña
Gauza nola etzegoan,
Seme batzuek txit urrutira
Bear izan zuten joan.
Bañan ai! nola arkitzen ziran
Andik aldendutakoan!
Itz bat bakarra zebillen arren
Biotzean ta aboan:
Ama gaxoa beste gauzarik
Etzeramaten gogoan.
Atzerrian noizean beinka
Beren aldeko berriak
Artzen zituzten seme on ayek;
Bañan txit negargarriak.
Alako baten bat altxatu zan
Malkoz bustirik begiak,
Esanaz Ama galdu ez dezan
Norbaiten gaiztakeriak.
Ekaidazute besarkada bat
Beragana joan nai diat.
Batzuek penak utzi ta pozak
Bestien aldamenera.
Abiatu zan seme leyal au
Bide luzian aurrera.
Noiz-bait azkenik inguratu zan
Bera jayo zan lurrera.
Egoaldi otzak ziran denboran
Egoarriak aldera,
Ai zer barrutik bati eiñ zion
Bere Amaren galdera.
Adiskidea ¿bai aldakizu
Geure Ama ona non dan?
Bai ala "fede" eta nola ez
Festa deguta begira nazu
Gaur gabean bere onran
Apainduta nola noan.
Etziñan bada galdez asiko
Aldi egokiagoan.
Atoz nerekin ikusitzera
Zeñen alaya dagoan.
Anai leyal seme on ura
Bestien ondora pozik
Joan zan bilguna eder batera
Eziñ geldituz biotzik.
Nola etzuen ikusitzea
Espera alako gauzik,
¡Ama! deadar egin nai zuben
Ta ezin somatu itzik,
Barren barrendik Jaungoikoari
Esker ematea baizik.
Ama onratzen ikusirikan
Bere anai ta lagunak,
Au esan zuben urrutitikan
Etorri zan euskaldunak:
Euskeragatik albiste txarrak
Guri eman dizkigunak,
Ez ditu ondo ezegututzen
Gure itz ezti legunak.
Alkar maiteak izan gaitezen
Izen santu au degunak.