Txori bidaria
Arno Mendi
¿Txoritxu maite, nondikan zatoz
aiñ alai nere leiora?
Esan zaidazu zerk zakartzkizun
ta atoskit neure ondora.
Emendik urriñ sugasti baten,
asmoa gendun bezela,
anai talde bat gaur bildurikan
iduki degu Billera.
Bertan esana bear bezela
eramateko aurrera.
Bidari bat lez bidaldu naute
egaka zeure leiora.
¡Ene txoritxu, esan orduan,
esan dakizun guztia,
berriz egaka juan zaitezen
galdu gaberik aldia!
Uri aundia izanagaitik
Jatorriz geure lekua
gabirau txarrak bertan sarturik
zigortu zigun lepoa.
Ordu ezkero bastertxo ontan
degu geure kabitxoa
ez bagaituzte jaurtitzen beintzat
bertako seme gaiztoak.
¡Ez bildur izan, txoritxu luztan,
txoritxu biotzekua!
¿Zueri kalte nolatan baño
egondu ezik itxuak?
Zuen txioak alaitzen ditu
inguruetako basoak
zueri entzuten atsegintzen da
erdi illik dagon goxoa
¿ez bada zuen jardun guztia
abes egin ta egatu
abesti oiek nori biotza
egin lezake sauritu?
Gure txioak mintzen dizkate
gaurko azkori biotzak
beti ta beti oi diralako
euskalduna'ren izkuntzan.
¡Guk ezin berriz beste eletan
ezin iñolaz abestu
euskel odola nunbait izan ta
amarik ezin ukatu!...
.............................................
Txori maitea, agur ta juan,
ta esan anaiai bertatik,
abes eiteko euskeldun elez
beldurrik gabe gogotik;
gabirau txarrik iñoiz baletor
zital amorruz beterik,
atoz orduan, geure laguntza
izango dezu osorik.