No me mueve, mi Dios para quererte (Zure maitatzera ez nau erakartzen)
Iraizoz, Polikarpo
Zure maitatzera ez nau erakartzan,
Jauna, zuk zeruan agindu sariak,
ta ez nau suleze ain beldurgarriak
zure samintzetik ere atzeratzen.
Zuk zerorrek nauzu, Jauna, ortaratzen:
zure gorputz iltzez zur ortan josiak,
orrenbat lotsa, min, zauriz estaliak,
zure erio gogor latzak nau beartzen.
Ots, zure maiteak narabil. Bai, nai-ta
zerurik ezpalitz, bazentzaket maita,
suleza ezpalitz, beldur nintzaizuke.
Zure maitateko ez neri deus eskain:
naiz uste dudana uste ezpanu, orain
nai dizudan bezain ongi nai nizuke.