Gauzen ederra

Etxebarria, T.

 Udako bero aundixetan

 gauza ederra pagopia,

 ta ifar aizian eguetan

 itxas laztana sentitzia!

 Bardin, negu gogorrian

 sukaldeko baztar epelak,

 katigu gaituela etxian

 edur eta izotz-kandelak.

 Ederra oge biguna

 nekazari zintzuandako,

 goldaketan eiñ eguna

 ta dala estu lotarako.

 Bardin lanteixa, goizian,

 dabenantzat asmu bati

 zirr'ka jardun gau guztian,

 larri ekintzeko asmu ari.

 Ederra goizia, bada

 zerekin ondrau bardindu;

 ta egarrixa bittan, dala

 ardau leuna geure kontu.

 Baña ederraua gazterik,

 eiñ-barri uste mundua,

 amesgiñ, tellen gañetik

 aiñdu pentsamentua.

 Eta ondiok ederraua,

 bardin, bezela gaztetan,

 lengo leku'n biotza t'aua,

 iraun zartzara be ames'tan.