Juan Ramon Jimenez'i agur
Erkiaga, Eusebio
Animan zeneraman zuk
ederraren uki gozo;
animan zeneraman zuk
olerkia, gori, ezo.
Zure izquntza-barrutian
utsaren aundi ta sakon!
Andalucia-ko lurrak
zeure miñez, ezin-egon.
Ango zeru, lur, zelaiak;
ango belar ta ango lore;
ango aizearen doiñu,
eguzki eta kolore...
Loreil baten azkenean
aidean egal-dardara.
Gogoa urriñez beterik,
Juan Ramón, suntsitu zara!
Bearrik, urbil dantzugu
zure esanen oiartzuna,
beiñere idortuko ez dan
poesi-edertasuna.
Nik ere ba dut intziri,
-euskelduna naizen arren-,
zure lerroetan baitut
leraz xurgatu olermen.
***
Animan zeneraman zuk
ederrak duen usaiña.
Biotzean gordeko dut
eman didazun eskaiña.
|