Laister igana

Arrese, Emeterio

 Oroitzak aika naramate gaur,

 lenera-bide burumakur ni...

 Umetandiko lagunik onen,

 adizkide ain atsegingarri,

 ibai-ertz eta zumardiñoan

 nerekin batez pozik ibilli

 ta amaika bider yolastu itzana;

 ibar ontatik i, maite ori,

 amaigabera yoan aiz. Goiko

 urdiña nunbait ire Aberri.

 Gorputza emen; luze ta zurbil

 aurrean akuts oian etzana,

 ta ikuspen onek estura larriz

 lausoa nere begietara.

 Otoitz-egiñez arindu bezait

 biotz gaxoan atzi zaidana.

 Agur, noiz arte...? Loitan erortzen

 baldin ezpazait ames-iñara,

 sinismen-egoz yantzita pozik

 laster ni goiranz, laister igana...