Zaldibar'ko miraria
Mitxelena, Salbatore
Bizkayan dezu Zaldibar.
Zaldibar,
beti negar goiz ta ińular!
Zaldibarren neskatoa,
gajoa,
zazpi urtez gaitzak joa;
gaxoa,
deabruak erasoa.
Birau ta lerdea aboan,
amorru-sua kolkoan;
beti deabruen mende...
Ta alaxe
zazpi urte luze-luze...
Ta, ai ene!
sendatzerikan ez uste...
Arantzazuko mendira.
begira,
itxaropenak dizdira...
-«Andra-Marik sendaturen!».
Ta ain zuzen,
aita-amak agindu zuten
bi meza
ta Arantzazura promesa.
-«Ez geranak geralako,
»Zu zerana zeralako,
»ANDRA-MARI! senda zazu;
»ta, prestu,
»irurok jungo gaituzu
»erromes
»Arantzazurako bidez».
***
ANDRA-MARI'ren izena
ai ene!
deabruentzat txarrena,
Entzun duten ordukoxe
ai ene!
motrolloan danak aide...
Ta bertan
neskatoa sendatu zan
ta iritxi zun poz betea
osasuna ta pakea.
...Zaldibar,
beti parrez goiz ta ińular!
|