inprimatu
Enaratxo enara
Izenburua:
Enaratxo enara
Sinadura:
Klaudio Sagarzazu
Urkizaren iruzkina:
Egilea(k):
Sagarzazu, Klaudio

Argitalpena:
Olerti.
Urtea:
1964
Argitalpenaren urtea:
Alea:
1964 I-II Etorkia
Orrialdea:
74-75

Enaratxo enara

 

Satarka

 

 Enara

         Polita

 Txoriño apal, beltzizka.

 Basetxeko zoriona,

 Aurraren maite-laguna.

         Etxean

         Zu ezik

 Guztiok goibel itunik.

         Enara:

         Orra aurrak

 Zu ikustean irri-farrak...

 Eta zuk berari kanta,

 Poz-pozik txorrotxioka.

         Txoriño

         Maitea

 Aurtxoaren pozkillea!...

         Basetxe

         Zarretik

 Laister adio gugandik.

 Ta zu gabe gure aurrak

 Oi! zer nolako negarrak! ...

         Zaude emen

         Gurekin,

 Bizi nai dugu zurekin,

         Alai ta

         Pakean,

 Guztiok zorionean.

         Nai ez... ta

         Jun bear.....

 Eta zuk naigabez... negar!

 Oi! zure azken agurra...

 Galtzekoan iayotz lurra!

         Otzatik

         Urruti

 Beti bizi zaite ongi

 Ta gure etxeko gelara,

 Zure kabi zar, maitera,

         Udaran

         Etorri,

 Alai dezazun baserri.

 Gogoz, besoak zabalik,

 Artuko zaitugu pozik.

         Enara,

         Enara!

 Miñez dago gure aurra!

 Ta zu erbestean... aika!

 Itun, nai ta ezin kanta.

         Aurtxoa

         Zu gabe...

 Gauaz, egunez alege!

         Enara,

         Enara!

 Atoz laister aurragana!

 

 


inprimatu